வெயிலோடு விளையாடு..

வெயில்காலம் ஆரம்பிச்சா போதும்..நம்மாளுங்க அதை வெச்சி ஆடுற காமெடி கதகளிக்கு ஒரு அளவே இல்லாம போய்ட்டுருக்கு.. ஆளாளுக்கு நடமாடும் ரமணனா அவதாரம் எடுத்து கொதிக்கக் கொதிக்க வானிலை அறிக்கையை வாளீல மொண்டு ஊத்த ஆரம்பிச்சிடுவாங்க..

இனி இவர்கள் எவ்வாறெல்லாம் வெயிலுடன் வீம்பாக விளையாடுகிறார்கள் என்பதற்கான காரணங்கள் பின்வருமாறு: (அவ்வ்வ்வ்வ்.. இஸ்கோல் ஞாபகம்..)

* எப்படா ஜனவரி முடிஞ்சி பிப்ரவரி ஆரம்பிக்கும்.. இந்த டயலாக்கை சொல்லலாம்'னுட்டே ஊருக்குள்ள ரொம்ப பயலுக சுத்தீட்டுருப்பானுங்க
"ஸ்ஸ்ஸ்..ஸப்பா.. இப்பவே வெய்யில் இந்த கொளுத்து கொளுத்துதே.. இன்னும் ஏப்ரல்..மே'லயல்லாம் வெளீல நடமாட முடியாது போலருக்கே?!" 
 (ஊட்டுக்குள்ளயே ஒக்காந்துக்க.. நாங்களா வேணாமின்னோம்?!)

*ஏப்ரல்..மே முடிஞ்சும் இவனுங்க அடங்குவானுங்களான்னு பாத்தா..அதான் இல்ல.. அடுத்த டயலாக்கை ரெடியா வெச்சிருப்பானுங்க-
"யே..யப்பா.. மே மாசம் முடிஞ்சும் வெய்யிலு இந்தப் போடு போடுது?!"
 (இந்த மாரி ஆளுங்ககிட்ட  மாட்டும்போது, அவசரமா கக்கா போறாப்ல மூஞ்சிய வச்சிக்கிட்டு சட்டுன்னு எடத்த காலி பண்ணிடனும்..)

* மேற்படி ரெண்டு டயலாக்கையும் கரெக்ட்டா அக்னி நட்சத்திரத்துக்கு முன்னயும், பின்னயும் தப்பாம சொல்ற பிரகஸ்பதிகளும் இருக்காங்க.. 
(இப்படித்தான் "இந்த தடவ அக்கினி நட்சத்திரம் ரொம்ப கொடுமையா இருக்கே?!"ன்னு சொன்ன ஒரு பெரிசுகிட்ட "ஏங்க..அது நல்லபடம் தானே?! மணிரத்னம் அட்டகாசமா எடுத்திருப்பாப்ல"ன்னேன்!   கெட்ட வார்த்தைல திட்டிருச்சி!அவ்வ்வ்வ்!!)

*அடுத்து.. இந்த உலகத்துல சூரியன் எப்போ உதிச்சிச்சோ அப்போத்திலேர்ந்து தவறாம நாம கேக்கற ஒரு தேஞ்சு போன திருட்டு சிடி டயலாக்- 

"போன வருசத்தோட இந்த வருசம் வெயில் கொஞ்சம் அதிகம்'ல்ல?! (டொமேட்டோ...எல்லா வருசமும் இதையேத்தாண்டா சொல்றீங்க..)
 

*அப்புறம்.. நம்மாளுங்களோட அல்டிமேட் வாக்கியம் - 

"எவ்ளோ மழையடிச்சாலும் தாங்கிக்கலாம்.. இந்த வெய்யிலை மட்டும் தாங்க முடியறதில்ல.."

 (இதையே மழை/குளிர் காலத்துல அப்படியே மாத்தி சொல்லுவானுங்க பாருங்க..அப்போ வர்றதுதான் ரியல் கொலவெறி..)

*இந்த வெய்யிலுக்கு மோர், எளனின்னு குடிக்கறதுதான் ஒடம்புக்கு ரொம்ப நல்லது"  -இப்படி அறிவுரை சொல்றது தப்பில்ல.. ஆனா அதே அட்வைஸ் அய்யாச்சாமிங்கதான் மட்டமத்தியான கத்தரி வெயில்'ல "மாஸ்ட்டர்.. சூஊஊஊடா ஒரு டீ"ன்னு சேட்டன் போட்டுத்தர்ற வெந்நீரை குடிச்சி வெறியேத்தீட்டுருப்பானுங்க..

 (அட மல்டிபிள் பர்சனாலிட்டி மண்டையனுங்களா..)

* "இப்பலாம் ஹாட் சாப்டறத விட்டுட்டேன் மச்சி! சம்மர் முடியற வரைக்கும் பீர்தான்!!"
-வெரி கப்பி ஃபெல்லோஸ்.. இவனுங்க குடி எஸ்டீடி'யை கொஞ்சம் ஆராஞ்சி பாத்தா வாரம் ஒருக்கா  ஒரு கோட்டர் மட்டும் சாப்ட்டுட்டுருந்தவன் வெயிலை சாக்கா வெச்சி டெயிலி ரெண்டு பீர் சாத்திட்டுருப்பான்.

(இவனுங்க மேலயெல்லாம் மருத்துவர் மாலடிமை ஐயாவை ஏவி விட்டாத்தான் என்ன?!)

*"அடிக்குற வெயிலுக்கு டெயிலி ரெண்டு டைம் குளிச்சாத்தான் சார் கொஞ்சமாச்சும் சமாளிக்க முடியுது.." 

 -அப்டியே சீனை கட் பண்ணி சாரோட வீட்ல ஒப்பன் பண்ணா, 

"என் வீட்டுக்காரரு ரொம்ப சிக்கனம்! வெய்ய காலத்துல தண்ணிப் பஞ்சம் வேறயா?! ரெண்டு நாளைக்கு ஒரு தபாதான் குளிப்பாருங்க.."

*கடைசியா நம்ம வெயில் கவுஞ்சர்கள்... மழையை வெச்சி இவனுங்க எழுதற கவிதை   டார்ச்சர் தாங்காமத்தான் இப்பல்லாம் மழையே வர்றதில்ல.. ஆனாலும் அடங்குறாய்ங்களா?! அதான் இல்ல.. வெயில் குடித்த ரௌத்திரம்..ரெக்கை முளைத்த வெக்கை'ன்னு புதுசு புதுசா கெளம்பி வந்து சலம்புவாய்ங்க நம்ம சீசனல் கவுஞ்சர்கள்! (நீங்கல்லாம் செத்தா ஸ்ட்ரெயிட்டா கொதிக்குற எண்ணெய் சட்டிதான் மக்கா)
 

டிஸ்க்கி: சரி இதையல்லாம் ஏண்டா வெயில் காலம் முடிஞ்சி வந்து சொல்றேன்னு கேக்குறீங்களா?!  அடிக்குற வெயிலுல மக்கழே'வுக்கு இருக்க கடுப்பை நமீதா இடுப்பளவுக்கு இரட்டிப்பாக்க வேணாங்குற ஒரு நல்லெண்ணெய்தான்!!
 

ப்ரியங்களுடன்,
குணா யோகச்செல்வன் :-)))

மெகா டிவிட்டப்பும் தலதளபதியும் !

                 இந்த வருட கீச்சர்களின் சந்திப்பு மே 12 கோவை மாநகரில் நடந்தது. வழக்கம் போல நமக்கு எப்ப நிறைய வேலை இருக்கோ அன்னிக்கே வெச்சிருந்தாங்க. ( உனக்கு என்னடா வேலைங்குறிங்களா.. அவ்வ் ) .  போவலாமா.. வேணாமானு கடைசி வரை குழப்பமாவே இருந்துச்சு. குப்புற படுத்து தலையணையை பிய்த்து கொண்டிருந்த சமயத்தில் போன் செய்த பிரபல டிவிட்டர் ஒருவர்  " தல, உங்கள பாக்க தான் கோவையே வரோம், கண்டிப்பா வந்துருங்க" என்றார். எனக்கு அப்படியே நடுராத்திரி கொசு கடில படுத்துருக்கறப்போ திடீர்னு கரன்டு வந்த மாதிரி ஆகிருச்சு.உடனே மூட்டைய கட்டிகினு கெளம்பிட்டேன்.

மெகா டிவிட்டப்பில் - 1

     சமீப கால தமிழ் பட ஹீரோக்களின் இன்ட்ரோ சீன் போல நைனா காறி துப்ப, மம்மி டாட்டா  காட்ட கோவை நோக்கி ஆரம்பமானது என் பயணம்.நைனாவோட சாபத்துல ஒரு பஸ்சு கூட கிடைக்கல. கேட்டா 144 தடை உத்தரவாம்.மருத்துவரய்யாவ திட்டி நாலு ஸ்டேடஸ் போட்டுட்டு, ஒரு காய்கறி லாரிய புடிச்சு தஞ்சாவூரு வந்து சேர்ந்தேன். அங்கே உள்ள சக டிவிட்டர்களுடன் சேர்ந்து கோவை பஸ்சுல ஏறினேன்.

   விடியற்காலை டிவிட்டப்பு நடக்கும் ஓட்டலுக்கு போய் சேர்ந்தோம். ரிசப்சனிஸ்ட் நல்லா கொறட்ட விட்டு தூங்கினு இருந்தான். பெரிய ஓட்டலாச்சே  கொஞ்சம் கெத்து காமிப்போம்னு ' ஹே.. வேக் அப் யா"  என்றேன். எந்திரிச்சு பேந்த பேந்த முழிச்சான் , அப்பவே நான் உசார் ஆகிருக்கனும்.  

" ரூமு வேணும்யா.. "

" சார்,  ஒரு நாளைக்கு ஆயிரத்து ஐநூறு ஆவும் சார் "

" ஙே.. என் ரூமோட மூனு மாச வாடகைய்யா அது .... சரி.. கிறுகிறு வருது காப்பி சொல்லுயா "

"காபி ஐம்பது ரூவா சார் "

அடுத்து பத்து செகன்டில் பக்கத்து ஓட்டலின் ரிசப்சனில் இருந்தேன்.

              ஒரு வழியா தூங்கி எந்திரிச்சு குளிச்சு முடிச்சு குடிச்சு ( டீ தான்யா  ) மூணு மணி டிவிட்டப்புக்காக இரண்டு மணிக்கே போய் உக்கார்ந்தோம். காபி ,டீ எதுனா குடுப்பாங்களானு கேட்டதுக்கு பரிசலார் மேலயும் கீழயும் பாத்தாரு. சிரிச்சு வெச்சுட்டு திரும்பவும் சீட்ல போய் உக்காந்தேன்.கனலு மட்டும்  கடசீல செல்போன மறச்சு வெச்சு டிவிட் பண்ணிட்டு இருந்தான், ஏன்னு தெர்ல. சென்னியார ரிசப்சனிஸ்ட பொண்ணு கிட்டேர்ந்து பிரிச்சு ஹாலுக்கு கொண்டு வர பதினொரு பேர் கொண்ட குழு முயற்சி செஞ்சுட்டு இருந்தாங்க.

          ஒருவழியா டிவிட்டப்பு இனிதே ஆரம்பமாச்சு. பரிசல் தொகுத்து வழங்கினார். பரிசல், கார்க்கி டைமிங் ஜோக்குகளால் அரங்கம் அதிர்ந்தது. ராஜன் வழக்கம் போல செம கலாய், ஆனா கொஞ்சம் சீரியசாவும் பேசினார் சிறை அனுபவங்களை.  இந்த தடவை கவிதை கருப்பையா கவுஜை வாசிக்கமாட்டார் என பரிசல் அறிவிக்க, மக்கள் பெரு மகிழ்ச்சி அடைந்தனர்.ஒரு வழியா காபி வந்து சேர்ந்துச்சு.அப்படி இப்படினு ஒரு எழு மணிக்கு டிவிட்டப்பு இனிதே முடிந்தது.

           அடுத்து நான்கவது மாடியில் டின்னர் என பரிசல் அறிவிக்க, லிப்டுக்கு கூட வெயிட் செய்யாமல் படியில் ஏறி ஓடீனோம். நான் , காலி பிளவர், அப்புறம் கப்ல ஏதோ கொடுத்தாங்க. அத டேஸ்ட் பண்ணிட்டு "தயிர் சூப்பர்ணே" என்றேன் ஷேக்கிடம். 'அடேய், அது சூப்புடா " என வழக்கம் போல ஆயிரம் வால்ட் பல்பு வாங்கினேன். கடைசியா ஐஸ்கீரீம் தந்தார்கள். அதை ரெண்டு தடவை வாங்கி கையும் களவுமாக மாட்டினார் சைல்ட் சின்னா.  சர்வரை டிவிட்லாங்கர் போட்டுவிடுவேன் என அவர் மிரட்ட, பதிலுக்கு சர்வர் துப்பியதை நான் இங்கு கூற விரும்பவில்லை.

மெகா டிவிட்டப்பில் - 2

          எல்லாருக்கும் டாட்டா காட்டிகினு ஊருக்கு கெளம்பினோம். நெடுநாள் நண்பர்கள் ஷேக் மற்றும் ஜெகன் ஆகியோரை சந்தித்ததில் மிக்க மகிழ்ச்சி.

அடுத்த டிவிட்டப்புக்காக காத்துக்கொண்டிருக்குறேன்..

- தலதளபதி - @Prabu_B .